VIGAN CITY – Nakaituding nga imbitaran ti Senado ni Department of Health Sec. Francisco Duque III iti sumaruno a panagdenggegda inaig iti imbestigasyon iti mapapati nga anomalya ti Philippine Health Insurance Corporation.
Iti pannaki-uman ti Bombo Radyo Vigan ken ni Senador Risa Hontiveros, namnamaenda a sumango ni Duque kadakuada tapno makiinnulong iti imbestigasyon.
Segun ti senador, nagtaltalinaed a natalna ti sekretarya manipod rimuar iti report a panagkurimes iti PhilHealth a nakairamanan iti naganna.
Ingunamgunamna nga imposible nga awan iti ammo ni Duque iti pasamak ta nagbalin a presidente iti korporasyon idi 2001 agingga 2005.
Innayonna pay a mapilitan isuna a mangiruar iti subpoena iti Kongreso no saan a makipaset iti panagdenggeg ti opisyal.
