--Ads--
Nagpalagip ti Department of Health kadagiti nagannak nga agridamda iti panagaramat iti gadget ti annakda nangruna ita a panawen ti bakasion.
Segun iti DOH, ad-adu ti oras a busbusbusen dagiti ubbing ken agtutubo iti cellphone, tablet, ken computer.
Mapatta-patta a 5 kada 10 nga agtutubo ti adda bukodna a cellphone tapno maka-access iti internet ken adu kadakuada ti umab-abot iti 34 nga oras iti linawas iti panagaramat iti digital screen a kas paglinglingayan.
Ballaag ti ahensia a kagiddan ti umad-adu nga screen time ket isu met ti ngumatwan ti kaso ti cyberbullying, online predator ken ti delikado nga online content.
-- ADVERTISEMENT --
Gapu dayta, al-allukoyen ti DOH dagiti nagannak a bantayanda ti online activities dagiti annakda.
