--Ads--
Nagpalagip ti Department of Health (DOH) iti publiko nga agannad kadagiti masansan a sakit ita nga Amihan.
Karaman kadagiti sakit a marikrikna iti nasao a panawen ket iti trangkaso, panateng, pulmonya, allergic rhinitis, ken eksema.
Allukoyen ti DOH ti amin a regular nga agbuggo iti ima ken nu mabalin ket agaramat iti face mask nu adda iti ruar tapno maliklikan a maakaran iti sakit.
Nasaysayaat pay nga agtalinaed iti pagtaengan nu adda sintomas, uminom iti adu a danum ken agaramat ti moisturizer nga inaldaw tapno maliklikan dagiti sakit gapu iti nalamiis a paniempo.
-- ADVERTISEMENT --
Inallukoy pay ti DOH iti publiko a komunsulta iti kaasitgan a health center para iti husto a pannataray ken panangtaripato iti salun-at.
