Nangipatuloden ti Department of Health iti P1.7 milion a gatad ti health supplies para idiay Catanduanes, a maysa kadagiti kakaroan nga inapektaran ti Super Typhoon Uwan.
Segun iti DOH, ti shipment a pakaibilangan ti hygiene ken breastfeeding kits, water containers, purification tablets ken dagiti agas ket naawaten ti Catanduanes Provincial Health Office idi November 13 kagiddan ti panagbisita ni Presidente Ferdinand Marcos Jr iti nasao a probinsia.
Dagiti suplay ket kas sungbat kadagiti kangrunaan a kasapulan iti salun-at a nakita iti assessment ti DOH-Bicol Center for Health Development ken Regional Disaster Risk Reduction and Response Cluster.
Agtultuloy ti monitoring para iti posible nga injuries, waterborne diseases, ken dadduma pay nga insidente nga adda pakainaiganna iti salun-at.
