Naka-code white alert ti Department of Health (DOH) kas panagsagana iti Bagyo Pepito.
Ti code white alert ket kayatna a sawen a nakasagana dagiti emergency response team iti intero a pagilian a tumulong kadagiti naapektaran iti bagyo.
Dagiti rehion nga adda ti sidong ti Code White Alert ket pakairamanan ti National Capital Region (NCR); Cordillera Administrative Region (CAR); Central Luzon; CALABARZON; MIMAROPA; Bicol; Eastern Visayas; Western Visayas; Zamboanga Peninsula; ken Northern Mindanao.
Makitinnulong ti DOH kadagiti local disaster management offices tapno masigurado a tunggal rehion ket adda dagiti kasapulanda a resources.
Agdeployda pay kadagiti Health Emergency Response Teams kadagiti evacuation centers.
Innallukoy ti DOH iti publiko, nangruna dagiti addaan iti annak, nataengan, people with disabilities, ken dagiti agnanaed kadagiti high-risk areas, nga isaganada dagiti emergency kits-da ken ag-evacuate kadagiti designated centers ti nasapsapa.
