Naituding ti panaginspeksyon inton bigat ti Department of Health iti Abra Provincial Hospital kas paset iti plano a pannakairaman ti nasao nga ospital kadagiti Department of Health hospitals iti pagilian.
Gagem ti addang a matulongan dagiti agindeg nangruna kadagiti marigrigat nga agkasapulanna ti agpaagas kas maisurot iti pammilin ni Presidente Ferdinand Marcos Jr a zero billing iti maikapat nga State of the Nation Address-na.
Iti pannaki-uman ti Bombo Radyo Vigan ken ni Presidential Liaison Officer Adrian Carlo Bersamin, binilin isuna ni Executive Secretary Lucas Bersamin a makitinnulong iti nasao a banag ken makitaripnong ken ni Congressman JB Bernos.
Bigbigenna a babaen iti panagbalin a DOH-listed ti nasao nga ospital ket matutokanto met dagiti district hospital a no dadduma ket agkurkurang iti alikamen ken personnel.
