Inlatang ti Department of Health (DOH) ti P35.37 billion budget para ita a tawen wenno P6.78 billion a nayon manipod 2024 tapno i-upgrade ti healthcare facilities ken medical equipment iti intero a pagilian.
Daytan ti kadakkelan a budget a naipaay iti health department manipod naimplementar iti Health Facilities Enhancement Program idi 2017.
Iti napalabas a walo a tawen ket inaramat ti Health Facilities Enhancement Program ti capital outlay funds para ti konstruksyon ti super health centers, rural health centers, ken agpada a local government ken DOH hospitals.
Ti pondo ket nangsuportar ti pannakakompleto, panag-upgarde ken repair iti healthcare facilities kasta payen ti procurement iti transportation ken medical equipment.
Iti salinong ti 2025 General Appropriations Act, makitkita ti Department of Public Works and Highways (DPWH) nga agsurok ti P5 million ti infrastructure projects para ti Centers for Health Development ken dadduma pay a healthcare facilities.
