--Ads--
Nagpalagip ti Department of Health kadagiti nagannak a saanda a bay-an dagiti annakda nga agkalintudwan wenno magna iti danum ti tudo gapu iti umad-adu a kaso ti leptospirosis iti pagilian.
Iti pannaki-uman ti Bombo Radyo Vigan ken ni DOH Usec Randy Bacolor Escolano, masapul a mabantayan dagiti annak tapno saanda a mai-expose iti danum ti tudo nangruna no adda dunorda.
Dagiti ubbing ti kunana a kangrunaan a napeggad iti leptospirosis ta isuda ti naayat a mapan aglangoy iti danum ti tudo.
Ballaag ti opisial a saan nasken a mayaleng-aleng ta adda dagiti matmatay no saan a masigudan.
-- ADVERTISEMENT --
Nakaalerto met ti ahensia iti agtultuloy a panagpangato ti kaso ti nasao a sakit gapu kadagiti naglabas a bagyo ken habagat.
