--Ads--
Nagpalagip ti Department of Health iti publiko ita a panagtutudo nga agannad kadagiti sakit a masansan nga agraira kadagitoy a panawen.
Karaman ditoy ti sakit a dengue, a gapu kadagiti lamok nga agit-itlog kadagiti naurnong a danum.
Malaksid iti dengue, dinakamat pay ti DOH dagiti dadduma a sakit a mabalin nga agraira ita a panagtutudo kas kadagiti water and food-borne diseases, influenza-like illnesses, ken leptospirosis.
Tapnon maliklikan, maipatpatungpal ti 4T strategy (taob, taktak, tuyo, takip) kontra kadagiti lamok.
-- ADVERTISEMENT --
Dagiti sintomas ti dengue ket pakairamanan ti gurigor, panagsakit ulo, panagsakit ti laslasag, pannakaulaw ken pantal.
