--Ads--
Nagpalagip ti Department of Health iti publiko nga agbalin a naannadda iti pannangan ken kinatalgedda iti kalsada, nangruna iti holiday rush.
Segun ken ni Director Lester Tan, nakapokus ti kampania ita a tawen iti nasalun-at a pannangan, natalged a biahe, ken husto a panangrambak iti Baro a Tawen.
Binalakadanna ti publiko a liklikan ti nalabes a pannangan iti nasam-it, naapgad, namanteka, ken nataba.
Iti naudi a quarter ti 2024, nasurok 50,000 a nataengan ti napeggad iti hypertension, 16,000 ti agsagsagaba iti diabetes, ken 110,000 ti obese.
-- ADVERTISEMENT --
Ti subkampanyang Biyahealthy ket isurona ti natalged a panagbiahe, agraman ti panangkita iti lugan ken panangliklik iti arak no agmaneho, kas sungbat iti umad-adu nga aksidente iti kalsada tunggal Paskua.
