Nagballaag ti Department of Health (DOH) iti posible nga outbreak iti pagilian iti preventable disease nu saan a mapasayaat ti immunization rates, ta nababbaba iti 95 percent target para ti Full Immunization Coverage idi 2024.
Maibasar iti partial ken unofficial data manipod ti Field Health Services Information System, nagun-od ti pagilian iti 61% a target ta 1,459,353 nga ubbing iti nakaawat ti kompleto a doses iti routine vaccines agingga December 31, 2024.
Pinasingkedan ken ni Health Assistant Secretary for the Public Health Services Cluster Farwa Hombre a ti vaccine hesitancy ti kangrunaan a rason iti nababa nga immunization rate.
Segun ken ni Hombre, adu a rason iti pagbutngan ti bakuna ta adu iti anti-vaxxers ita.
Imballaagna pay a ti pannakapaay a magun-od ti 95% target ket gappuanan ti resurgence iti saksakit a kontroladon idi kallabes.
