--Ads--
Nagballaag ti Department of Health kontra rabies iti baet ti panagbaba iti 65 percent dagiti kaso iti umuna a dua a bulan ita a tawen kumpara iti isu met laeng a panawen idi 2025.
Segun iti DOH, pakabuklan a 17 ti kaso ti rabies manipud Enero 4 agingga Pebrero 21 wenno panagbaba iti 49 a kaso iti isu met laeng a monitoring period idi 2025.
Kabayatanna, inaprubaranen ti Philhealth Benefits Committee ti ngimmato a coverage para iti rabies post-exposure prophylaxis.
Iti agdama, sakup ti Philhealth ti enhanced animal bite package nga agingga P5,850 agraman ti post-exposure prophylaxis, local wound care, tetanus toxoid ken anti-tetanus serum, antibiotics, ken supplies.
-- ADVERTISEMENT --
