--Ads--
Nagballaag ni Department of Health (DOH) secretary Teodoro Herbosa kadagiti umili a makarikna ti sintomas ti influenza-like illnesses nga agtalinaed iti uneg ti pagtaenganda tapno saanda a makaakar.
Ti kangrunaan nga influenza-like illnesses ditoy pagilian ket ti Influenza A, maysa a respiratory infection a ti kadawyan a sintomasna ket panaggurigor, panaguyek, panateng, panagsakit ti karabukob, bagi ken ulo.
Ti pakdaar ket inaramid ni Herbosa kasaruno ti waragawag ti PAGASA iti panagrugi ti Amihan season ditoy pagilian.
Innayonna pay a nasken a sumurot ti publiko kadagiti health protocols tapno masigurado a saan a makaakar iti sabali a tao.
-- ADVERTISEMENT --
