--Ads--
Nagballaag ti Department of Health (DOH) kadagiti evacuees kontra ti posible a panagwaras ti acute respiratory and infectious diseases kadagiti evacuation center.
Segun ti DOH, napaspas nga agwaras ti sakit kadagiti evacuation centers gapu ti overcrowding.
Tapno maliklikan ti sakit ken agtalinaed a nasalun-at ket binalakadan ti DOH dagiti evacuees a pagtalinaeden ti kinadalus ken kanayon nga agbuggo iti ima babaen ti danum ken sabon.
Nu kas bilang awan ti danum ken sabon ket nasaysayaat nga agaramat ti alcohol.
-- ADVERTISEMENT --
Iti listaan ti DOH, umabot iti 30,000 a tattao iti agtaltalinaed kadagiti evacuation center kadagiti naapektaran ti Tropical Storm Crising.
