Nagballaag ti Department of Health iti publiko mainaig kadagiti aksidente iti kalsada, heat-related ken foodborne illnesses kabayatan ti Semana Santa.
Kabayatan ti Semana Santa idi napan a tawen, wenno manipud Marso 24 agingga 31, 2024, nakairekord ti DOH iti 631 a kaso ti aksidente iti kalsada.
Kaaduan a kaso ket pakairamanan dagiti motorista a saan nga agar-aramat iti safety gear kas ti helmet ken seatbelt isu a nagsagrapda iti lemma, body fracture, ken dunor iti ulo.
Pinalagipan pay ti ahensia ti publiko a siguradoen a ti luganda ken ti kinataoda ket nakakondisyon sakbay nga agbiaheda.
Kabayatanna, nakairekord pay met ti DOH iti 122 a kaso ti foodborne illness idi Semana Santa idi 2024 gapu ta dagiti taraon ket nadaras a mabangles ita a nabara ti panawen.
No kas bilang makarikna iti nakaro a diarrhea, panagsakit ti tyan ken panagbakwar, imbalakad ti DOH a mapan iti kaasitgan nga emergency room.
