Nagballaag ti Department of Health iti publiko kontra kadagiti peke nga endorsement ti cancer treatment a mangar-aramat iti nagan ti ahensia.
Iti maysa nga advisory, dinakamat ti DOH kas peke ti quote card ni Health Secretary Ted Herbosa a mapapati a nangiyendorso iti produkto para kadagiti pasyente nga agsagsagaba iti cancer.
Nagipakita pay ti DOH iti ladawan ti maysa a produkto nga adda markana a ‘Medihope’.
Impaganetget ti DOH a saan a naaprubaran wenno bigbigbigen ti ahensia ti nasao a produkto.
Agtaltalinaed a neutral ti ahensia ken awan ti pakainaiganna iti ania man a commercial endorsement.
Pagan-annadenda pay ti publiko kontra kadagiti manangallilaw a marketing strategy a mangar-aramat kadagiti peke a testimonia, peke nga endorsement manipud kadagiti eksperto, ken dagiti health claim.
