--Ads--
Nagballaag ti Department of Health iti posible a panagpangato dagiti kaso ti dengue nangruna idiay Visayas ken Mindanao gapu iti tudo nga epekto ti bagyo Basyang.
Iti panangrugi ti tawen, nairekord ti ahensia ti panagbaba kadagiti kaso ti dengue iti intero a pagilian.
Umabot iti 7,741 a kaso ti nairekord manipud Enero 4 agingga 24, 2026, wenno 71 percent a panagbaba manipud iti 25,652 a kaso a nairekord iti isu met laeng a panawen idi napan a tawen.
Ti “Alas Kwatro Kontra Mosquito” campaign a mangipalpalagip iti publiko iti preventive measure kontra ti panagadu dagiti lamok ti itudtudo ni Herbosa a bimmabaan ti kaso.
-- ADVERTISEMENT --
