--Ads--
Binalakadan ti Department of Health dagiti deboto ita Semana Santa a saanda a dangran dagiti bagida babaen iti inda panangilansa agsipud ta mabalin a pagpeggadanda.
Segun ken ni DOH Spokesperson Assistant Secretary Albert Domingo, saan a kasapulan a dunoren wenno dangran ti bagi, kas maibasar kadagiti padi.
No saan a maliklikan, binalakadan ti opisial dagiti deboto nga agaramat kadagiti nadalus a banag tapno saan a maimpeksyon, ken bugwan ti dunor iti sabon ken danum.
Kaaduan kadagiti Katoliko ket nakairuamanda ti agpenitensya tunggal Semana Santa kas paset iti panagdaydayaw ken pammati a mapatgan ti kararagda, madalusan ti basulda ken maagasan dagiti sagsagabaenda.
-- ADVERTISEMENT --
