Binalakadan ti Department of Health ti publiko nga agisagana iti medicine kit iti baet ti manamnama nga iduduprak ti bagyo Uwan.
Segun iti DOH, nasayaat no makanay para iti tallo nga aldaw ti medicine kit dagiti kangrunaan nga agas kas ti gurigor ken panagsakit ti bagbagi, oral dehydration salts para iti dehydration, agas para iti uyek, antacid, antihistamine, antidiarrheal, mefenamic acid, ken dagiti personal a maintenance medicine a para iti agingga lima nga aldaw.
Palagip ti Health Department a siguradoen a saan nga expired wenno nadadael dagiti packaging ti agas, ken ikabil dagitoy iti natibker a pagyanan a saan a nadaras a mabasa wenno madadael.
Malaksid iti panangisagana kadagiti agas, balakad pay ti DOH iti publiko nga ammuen dagiti first aid tips nangruna ita nga adda bagyo agsipud ta adu dagiti kaso ti pannakalmes, pannakakoriente, madundunor, ken hypothermia tunggal adda didigra.
