--Ads--
Binilin ti Department of the Interior and Local Government ti gobierno a papigsaen ti addangda kontra iti sakit a dengue.
Dayta ket kas panangsuporta ti DILG iti panawagan ti Department of Health a masolusyonan ti pangta ti dengue kalpasan dagiti naglabas a bagyo ken habagat a nangitunda iti pannakalayus dagiti sumagmamano a lugar.
Karaman kadagiti pammilin ti DILG ti panangisayangkat iti clean-up drive tapno maparmek dagiti pagumokan dagiti lamok, maikkat dagiti naurnong a danum, ken panangdalus kadagiti kanal ken drainage.
Inallukoy pay ti DOH ken DILG ti publiko nangruna dagiti pamilia a pagtalinaedenda a nadalus ti aglawlaw ken dagus nga agpakonsulta iti doktor no makarikna iti sintomas ti dengue.
-- ADVERTISEMENT --
