Nagkaysa ti Department of Health ken Catholic Bishops Conference of the Philippines iti panangited ti libre a serbisio medikal iti Simbakalusugan.
Naisayangkat daytoy iti Our Lady of the Pillar Catholic School idiay Imus, Cavite kagiddan ti panangselebrar idi kalman ti aldaw ti puso.
Maipalagip a mismo a ni Health Sec. Ted Herbosa ti nangiyam-ammo ti programa idi maikatlo a National Hospital Chaplaincy Conference idi napan a tawen.
Gagem ti aktibidad a mapapigsa ti relasion ti Simbaan ken DOH iti panangitandudo ti salun0-at kadagiti komunidad.
Sumagmamano a naipaay a libre a serbisio medikal ket pakairamanan ti dental check-up, physical check-up, HIV screening, libre nga agas, laboratory, X-ray para iti Tuberculosis screening, ken health education mainaig iti mental health.
