Pinasingkedan ti Department of Health nga irurda ti baro a guidelines para iti Medical Assistance for Indigent and Financially Incapacitated Patients sakbay nga agtapos ti Pebrero.
Segun iti DOH, naibasar ti baro a guidelines iti pammilin ni Presidente Ferdinand Marcos Jr nga iparit ti panagaramat iti guarantee letter manipud kadagiti opisial ti gobierno tapno bayadan ti bill dagiti pasyente kadagiti ospital, kas nailanad iti 2026 General Appropriations Act.
Palawaen ti baro a MAIFIP guidelines ti sakup ti benepisyo iti ambulatory care ken surgical clinic, eye centers, ken ophthalmology services, dental services, free-standing dialysis clinics, ken dagiti FDA-approved nga agas.
Karaman pay ti 100 percent coverage a professional fee dagiti doktor, maibasar iti pammilin ti DOH.
