Inlawlawag ti Department of Health (DOH) nga awan ti nayon nga ipasa wenno aramiden dagiti Pilipino tapno mairanud iti Zero Billing policy kadagiti walopulo ket pito nga ospital a patpatarayen iti DOH iti intero a pagilian.
Segun ti ahensya, saan a nagkiddaw ti nayon a dokumento ti Philippine Health Insurance Corporation (PhilHealth) tapno maka-avail dagiti pasyente iti nasao a polisiya a nasikat kas “No Balance Billing” policy iti aniaman nga ospital a patpatarayen ti DOH.
Kas miembro, amin a Pilipino, adda man ti kabaelanna wenno awan nga agbayad ti kontribusyon ket garantisado ti No Balance Billing nu isuda ket ma-admit iti basic wenno ward accommodation.
Siguradoen ti DOH iti publiko nga agtultuloy ti PhilHealth iti panangted ti patas nga access ti serbisyo ti salun-at para kadagiti amin a Pilipino.
