--Ads--
Impasigurado ti Department of Health nga awan pay ti nairekord a kaso ti Nipah virus iti pagilian.
Nupay kasta, pinasingkedan ti DOH nga adda naituding nga addang tapno masalwadan ti publiko.
Segun ken ni Health Assistant Secretary Albert Domingo, karaman ti Pilipinas kadagiti pagilian a kas ti Thailand ken Taiwan a mangpappapigsa iti addang tapno maliklikan ti iseserrek ti virus iti border.
Inlawlawag ni Domingo a ti Nipah virus ket maysa a zoonotic disease wenno sakit nga agtaud iti dingwen a mabalin a maala manipud iti paniki wenno fruit bat, wenno pannangan iti saan a naluto a karne a saan a sigurado ti naggapuanna.
-- ADVERTISEMENT --
