--Ads--
Im-imbestigaran ti Department of Health ti pannakatay ti maysa nga ubing idiay Cebu a nabakunaan iti measles-rubella vaccine idi Agosto 10 ken pimmusay idi Agosto 24.
Kitkitaen ti ahensia ti clinical records, vaccination history, laboratory results, ken dadduma pay a medical information tapno makita no ania ti pudno a nakatayanna.
Impaganetget ti DOH a ti napasamak kalpasan ti panagbakuna ket saan nga otomatiko a kayatna a sawen a gapu iti bakuna.
Inallukoy ti ahensia ti publiko a liklikanda ti agiwaras iti saan a husto nga impormasion kabayatan ti panagtultuloy ti imbestigasyon, ken inlawlawagda a natalged ken epektibo dagiti bakuna kontra iti measles ken rubella.
-- ADVERTISEMENT --
