Impaganetget ni Alliance of Health Workers Secretary General Cristy Donguines a rumbeng a madusa dagiti opisyal ti Department of Health a karaman iti panaggatang ti minilion a gatad ti psychiatric medications.
Ti nasao nga agas a ginatang ti DOH ket nasurok P44 million ti gatadna ken dandanin ag-expire.
Inlawlawag ni Donguines nga awan ti request a kasta ti National Center for Mental Health.
Agdudua ti grupo nu apay a gimmatang dagiti opisyal ti DOH iti nasao a minilion a gatad ti agas ket saan met a kasapulan pay imbes koma a tignayanda ti nabayagen a parikot iti biang ti health workers.
Gapu dayta ket indanonen ti alyansa iti isyu idiay Ombudsman ken nagipiladan ti reklamo kontra ken ni Health Sec. Ted Herbosa ken dadduma pay nga opisyal.
Innayonna a nabayagen nga agipatpatulodda iti surat iti DOH tapno kasarita dagiti opisyal ngem saanda a sumungsungbat.
