--Ads--
Impakaammo ni Department of Health (DOH) Secretary Jose “Brix” Pujalte Jr. a nakasagana a sumungbat iti husto a proseso iti aniaman a reklamo kontra kenkuana.
Segun ken ni Pujalte, awan pay ti naawat da nga opisial a kopya ti aniaman a reklamo ngem nakalukat ti opisina na a sangoen daytoy iti husto a proseso ken maiyannatop a forum.
Kasaruno daytoy ti impila a reklamo iti Office of the Ombudsman ti grupo a naawagan a “concerned health advocates for the prevention and control of tuberculosis.”
Iti reklamo, kiniddaw ti grupo ti panang-suspenso ken ni Pujalte gapu iti maipagarup a pannakaitantan ti procurement process para kadagiti agas kontra iti tuberculosis.
-- ADVERTISEMENT --
