Binalakadan ti Department of Health dagiti agindeg kadagiti lugar nga apektado iti panagputok ti Bulkang Kanlaon nga agisuot iti face masks ken safety goggles tapno masalwadan ti bagida iti peggad nga ipaay ti ashfall.
Segun ken ni DOH Spokesperson Assistant Secretary Albert Domingo, ti ideal a face mask a makatulong tapno masalwadan ti bara manipud iti bara manipud kadagiti bassit a paset ti ashfall ket ti N95 ngem mabalin met ti agaramat iti alternatibo kas kadagiti medical mask wenno tela a mabalin a basaen ken pangappot iti agong ken bibig.
Ti Kanlaon volcano idiay Negros Island ket pimmutok idi Martes iti agsapa, agtaltalinaed iti Alert Level 3, mangipasimudaag a kumarkaro ti magmatic unrest na.
Nagpanawagan pay ti DOH kadagiti agindeg nga adda datin a sagsagabaenna wenno marigatan nga umanges a sumurot iti balakad dagiti otoridad ken agbakwit no kasapulan.
