Ikonsiderar ti Department of Health (DOH) iti polisiya a mangobligar kadagiti ospital nga ipakaammo iti publiko ti bilang dagiti available a charity beds para iti indigent patients ken upfront fees a mabalinda a bayadan inton ma-confineda.
Segun ken ni Health Secretary Teodoro Herbosa, mabalinda nga agiruar ti administrative order kadagiti ospital tapno ipakaammoda nga adda sumagmamano a beds iti available para ti charitable beds.
Kinunana a nabayagen nga ibagbagada kadagiti pribado nga ospital nga ipakaammoda ti mabayadan iti pasilidadda tapno ammo dagiti pasyente nu kabaelanda a bayadan ket nu bilang a saanda a kabaelan ket makapanda iti sabali nga ospital.
Iti salinong ti Republic Act No. 1939, nabilin amin a government hospital a mangilatang iti siam a pulo a porsiento iti bed capacity-da a libre wenno charity idinto a ti Philippine Health Insurance Corp. iti mangbayad ti pakabukalan a medical bill iti indigent patients.
Kabayatanna, obligado dagiti pribado nga ospital a mangilatang ti 10 percent a bed capacity-da kas charity beds iti salinong ti DOH Administrative Order No. 2007-0041.
Pinasingkedan ni Herbosa ti complicated billing system dagiti pribado nga ospital nga uray naipakaammon iti publiko ti rate dagiti room ken procedure ket nagbaliw-baliw met ti professional fees dagiti doktor.
