Kinumpirmaran ni Finance Secretary Ralph Recto nga apektaranen iti timpuar a korapsyon kadagiti flood control projects iti panagbayad iti buwis dagiti umili.
Segun ken ni Recto, mariknan ti Bureau of Internal Revenue (BIR) iti panagbuntog ti panagbayad iti buwis, numan pay manageable iti agdama.
Kinuna met ni Senate Finance Committee Chairman Sherwin Gatchalian nga adu kadagiti tattao iti agpanunut pay sakbay nga agbayad iti buwis.
Pinabasol ti DOF ti korapsyon iti nababa a sapul iti pagilian iti napalpalabas a tawen.
Pinasingkedan ni Recto a nu saan a naipan iti korapsyon ti paset ti budget iti maanomalya a flood control projects ket rimmegta koman iti 6 agingga 6.2 percent iti ekonomia iti pagilian ken dakdakkel koman iti kolekasyon iti sapul ti BIR ken Bureau of Customs.
Malaksid iti flood control anomalies, apektado pay iti sapul iti pagilian nu saan a magun-od iti GDP growth target, kasta pay kadagiti global challenges a sangsangwen iti adu a pagilian kas iti global economic slowdown.
