--Ads--
Impasigurado ti Department of Energy nga uray bimmaba ti presio dagiti produkto petrolyo iti pagilian ken agtultuloy latta ti panangipatungpal ti fuel subsidy program para iti Public Utility Vehicles (PUVs) tapno mangted ti dagus a tulong kadagiti tsuper.
Iti salinong ti programa, nangbukel da ti maysa nga whole-of-government program no sadino makaawat dagiti kwalipikado a tsuper ti P10 discount iti kada litro ti diesel.
Maipagarup a mabalin a makaawat ti tunggal driver ti agingga 150 a litro a limitasion ti kada domingo wenno katukad ti mapatta-patta a P1, 500.
Iti agdama, nasurok 2, 000 a gasaolinaan iti pagilian ti karaman iti programa isu nga ad-adu dagiti PUV drivers ti maikkan ti napardas ken nalawlawa nga access iti fuel subsidy.
-- ADVERTISEMENT --
