Sinigurado ti Department of Energy (DOE) nga adda nakasagana nga addangda no kas bilang agpaut pay iti riribok idiay Iran ken maaddaan iti epekto iti suplay ken presyo iti langis.
Segun ken ni DOE Oil Industry Management Bureau Assistant Director Rodela Romero, karaman kadagiti sektor a tutukan ken matulongan ket ti agrikultura, fisheries ken transportasyon.
Kinuna ni Romero nga agtultuloy iti panangmonitorda iti kalidad dagiti produkto petrolyo tapno masigurado nga awan ti lugan a madadal ta substandard wenno saan a dekalidad iti langis.
Siguradoen ti ahensya a husto ti rukod ti langis a mait-ited kadagiti motorista kadagiti gasolinaan.
Malaksid dayta ket impatangken ti DOE a manamnama a lumaka ti presyo ti langis kadagiti sumarsaruno a lawas.
