Nagkedked ti depensa iti panangbigbig iti corporate documents ti JTC Group of Companies ken Pikimong Pikimong Philippines Corporation gapu iti immuna a ruling a nangsina iti dua a kompania manipud kadagiti subpoena request.
Iti maika-27 nga aldaw ti impeachment trial ni Vice President Sara Duterte, dinengngeg ti Senate impeachment court dagiti ebidensia iti alegasion a nakaur-or isuna ti unexplained wealth, saan a naideklarar a sanikua iti kompania, ken ti panaglabsing iti pannakipaset iti negosio.
Saan nga immanamong ni defense lawyer Justin Nicol Gular iti panangbigbig iti corporate documents iti summary nga insagana ni Securities and Exchange Commission (SEC) witness Gerardo del Rosario.
Impaganetget met ni prosecution lawyer Erwin Matib a paneknekan ti prosekusyon ti koneksion ni VP Sara iti dua a kompania.
