--Ads--
Nakaalerto ti Department of National Defense (DND) ken dagiti maseknan nga ahensya ken kameng ita a paskua kas kinuna ni Defense Secretary Gilberto Teodoro Jr.
Segun ken ni Teodoro, itultuloy iti DND ken dagiti attached agency-da iti panangisayangkat ti akemda tapno masigurado a natalged iti publiko bayat iti panagrambak ti Yuletide season.
Karaman kadagiti ahensya a nakaipasidong iti DND ti Armed Forces of the Philippines, Office of the Civil Defense, Philippine Veterans Affairs Office, Government Arsenal ken National Defense College of the Philippines.
Impaganetget ti secretary nga agtalinaed a naalibtak ti DND kontra iti ain a pangta, natural man wenno aramid ti tao nangruna ita nga adu iti aktibidad dagiti umili.
-- ADVERTISEMENT --
