Binilin ni Department of Migrant Workers Secretary Hans Leo Cacdac dagiti counsel of record ti DMW ken dagiti abogado a mangipila iti agsina a civil case para iti danyos kontra iti akusado iti aksidente idiay Ninoy Aquino International Airport (NAIA) Terminal 1 idi Mayo 4.
Nakitaripnong kadagiti mangibagi ti DMW ken ti Overseas Workers Welfare Administration ti pamilia ti ubing a natay a ni Danmark Masongsong kadua ti pamiliana iti maysa a mall idiay Mandaluyong City.
Napasamak ti taripnong kalpasan ti Austria Job Fair ti DMW ken sakbay a nagsubli idiay Batangas ti pamilia Masongsong ta dimmar-ayda iti hearing idiay Pasay City Regional Trial Court Branch 109 para iti kaso a Reckless Imprudence a naipila kadagiti akusado iti pasamak idiay NAIA Terminal 1 a nakatayan ti ubing nga agtawen iti uppat.
Impasigurado ti DMW iti pamilia Masongsong ti agtultuloy a suporta ken tulong ti gobierno.
