Temporario nga insardeng ti Department of Migrant Workers (DMW) ti panagproseso dagiti seasonal workers a mapan idiay South Korea manipud iti pito nga LGU gapu iti agtultuloy nga isyu ti illegal recruitment.
Saanen nga innaganan ti DMW dagiti LGU, bayat ti panangtamingda ti sitwasyon ken mapasayaat ti kasasaad dagiti seasonal worker recruitment.
Aktibo ti DMW a parparmeken ti illegal recruitment, nga addaan iti tallopulo ket pito a kaso iti agdama a naipila a pakairamanan ti 118 a nagreklamo.
Tallo a kaso ti napan iti korte, a dagiti respondent ket maipasango iti formal charges.
Kabayatanna, nadismiya ni Secretary Cacdac iti kaso idiay Tarlac a na-dismissed gapu iti out-of-court settlement.
Iti laksid dagiti karit, balligi a naka-deploy ti DMW iti 6,100 seasonal workers manipud iti 58 nga LGUs nga addaan iti legally binding contracts.
Agtalinaed a naikumit ti DMW a mangsalaknib kadagiti migrant workers ken agtultuloy nga ipatungpalda dagiti addang tapno masigurado ti kinatalged da babaen kadagiti legal recruitment practices.
