--Ads--
Inwaragawag ti Department of Migrant Workers a karamanen ti Strait of Hormuz kadagiti maibilang a “high-risk area” para kadagiti Pilipino a seafarer gapu iti agtultuloy a riribuk iti Middle East.
Segun ken ni Migrant Workers Usec Bernard Olalia, pinalawa ti ahensia ti advisory-da para iti maritime sector ken nairaman ti Strait of Hormuz kas “high-risk area”.
Gapu dayta, adda karbengan dagiti Pilipino a seafarer a saan nga umannugot nga aglugan iti barko a dumalan iti nasao a ruta.
No bilang agturong ti barko iti lugar kabayatan ti biaheda ket adda karbengan dagiti Pilipino a mangmangged para iti nangatngato a benepisio ken kompensasyon.
-- ADVERTISEMENT --
