Nagpinnirma ti memorandum of agreement ti Department of Migrant Workers (DMW) ken ti Technical Education and Skills Development Authority (Tesda) tapno mapasayaat ti skills ken employability dagiti overseas Filipino workers (OFWs).
Pinirmaan da DMW Secretary Hans Leo Cacdac ken Tesda Director-General Jose Francisco Benitez ti katulagan a mangipaay iti skills ken livelihood training programs para kadagiti OFWs.
Kabayatan ti signing iti opisina ti Tesda idiay Taguig City, nangiruar ti Tesda ken DMW iti 249 nga scholarship training certificates para kadagiti napili a kualipikado a benepisiario.
Iti sidong ti katulagan, mangpataud ti DMW dagiti programa ti upskilling, re-skilling, ken cross-skilling, agraman ti Competency Assessment ken Certification; mang-pre-evaluate, ken mangirekomendar ken ni Tesda dagiti kualipikado nga OFW ken dagiti kameng ti pamiliada; i-endorso kadagiti agsubli nga OFW ti Tesda a kualipikado nga agbalin a trainers wenno assessors; mang-assess, ken mangirekomendar kadagiti technical vocational courses ken training centers iti ballasiw-taaw nga addaan iti potensial a mangisayangkat kadagiti skills training programs; ken mangipaay iti Tesda iti Labor market information (LMI).
