Nababalaw iti online ni Deo Balbuena, mabigbig a food vlogger a ni ‘Diwata’ ta nakapungtot dagiti netizen ken ti state tribal body iti ‘demeaning gestures’-na kontra iti Indigineous People iti panagbisitana idiay Baguio ken La Trinidad, Benguet.
Partikular a binabalaw ti National Commission on Indigineous Peoples ti vlog ti Diwata a nakakawes iti traditional attire a para laeng iti maysa kadagiti IP community ti Cordillera.
Nakakawes ti content creator iti tribal outfit iti Grand Float Parade idiay Panagbenga (Baguio Flower Festival) ken iti Strawberry Farm idiay La Trinidad, bayat ti panangar-aramidna iti nadumaduma a tignay a maibilang nga insensitibo ken kinaawan respeto iti IPs.
Makita ni Diwata nga inruarna ti diana ken inay-ayamna ti spear tapno liwliwaen dagiti tattao a mangtultulad iti uni dagiti dadduma a tribo.
