VIGAN CITY – Nakapasan iti maikadua a panangibasa ti kamara ti House Bill 9349 wenno ti Absolute Divorce Bill kas alternatibo a wagas iti panangwaswas ti kasar iti pagilian.
Gagem ti gakat a mapaalisto ti proseso ti pannakawaswas ti kasar ti agassawa tapno mapalubosanda manen a maikasar iti sabali.
Segun iti primary sponsor ti gakat a ni Albay 1st District Rep Edcel Lagman, ti addang ket tapno maisalbar dagiti annak manipud iti saem ken pannusa nga epekto ti awan sarday a panagriri dagiti nagannak nga awanen ti wagas tapno marisut ti parikut iti nagbaetanda.
Basar iti gakat, mabalin a pagibasaran ti petisyon para iti diborsyo no lima a tawenen a nagsina dagiti agassawa, psychological incapacity, irreconcilable differences, domestic wenno marital abuse, annulment ken legal separation.
