VIGAN CITY – Inton July 22 ti Division Kickoff Ceremony iti panagrugi ti Brigada Eskwela iti siudad ti Vigan.
Iti pannaki-uman ti Bombo Radyo Vigan ken ni Education program Supervisor Susiemar Rapisura, iti agdama ket adda ti pre-implementation stage dagiti School Heads tapno makita dagiti kasapulan a mapasayaat iti uneg ken ruar dagiti pagadalan.
Nailawlawag payen kadagiti amin a mangisursuro a karamanen iti guidelines iti panagrugi ti Brigada ket ti panangiparit ti panagsolicit ngem mabalin dagiti donasyon para kadagiti kasapulan ti eskwela.
Iti agdama, nasurok 14,616 ti bilangen ti nagenroll iti Siudad laeng ti vigan ket manamnama pay dayta a ngumato sakbay a mangrugi ti klase.
Kiddaw ti opisyal nga agtitinnulong ti amin iti panagisagana met ti pagadalan para metlaeng iti napinpintas nga aglawlaw dagiti sumrek nga estudyante
