Vigan City – Nagyaman ni Mely Hayuwon a maysa a distressed OFW nga agnaed idiay Tay-ac Bantay kenni Gov. Ryan Luis Singson kenn ti Bombo Radyo Vigan gapu ta nakaawiden iti barangayda kalpasan iti napasaranna idiay Manila iti panag-quarantine-na.
Iti pannaki-uman iti Bombo Radyo Vigan kenni Hayuwon, nakunana nga arigna maysa ket gudua a bulan iti panag-quarantine-na kalpasan iti panagwawidna ditoy pagilian idi April 7.
Segun kenni Hayuwon, nasakit iti panangpapanaw kenkuana ti maysa nga staff iti Conrado Hotel idiay Pasay a nag-quarantine-nanna ta nakuna ti staff a pumanaw isunan ta nalpasen iti kontrata iti OWWA iti nasao a hotel.
Arigna mabisbisinan a nagnagna manipod Conrado Hotel agingga idiay Vito Cruz, Pasay idi May 30 ta saan a nakakaanen iti hotel ta naliplipatanda a pinakan a banag a nagkiddawanan iti tulong iti Bombo Radyo Vigan.
Gapu iti dayta ket insigida a naipakammo kenni Gov. Singson iti kasasaad ni Hayuwon isu a nasukon nga insigida ket idi laeng May 31 ket nakaawiden ditoy probinsia ket iti agdama ket naka-quarantinen iti barangayda.
