VIGAN CITY – Kalikagum ni Delly Jane Corpuz, maysa a distressed Overseas Filipino Worker idiay Kuwait a makaawiden ditoy pagilian kangrunaan iti ili ti San Juan gapu ti panangparparigat ti amona kenkuana.
Iti pannaki-uman ti Bombo Radyo Vigan ken ni Corpuz, no tiempo ti kalamiis idiay Kuwait ket sumro ti amoda a pagdalusen ida ti kaduana pay a Pilipino nga agdalus iti makina ti aircon iti rooftop, awan ti day-off-da, awan ti ipakanna ken awan ti turogda a nasyaat.
Innayonna a saanda met a makaluto ti kanenda no saan nga agpaluto ti amoda.
Maysa pay kadagiti parikutna ti masansan a pannak-delay ti sueldona ken saan a masursurot ti gatad a nakailanad iti kontratana.
Pinadas met ni Corpuz nga inyuman ti parikutna iti Philippine Overseas Labor Office ken iti Overseas Workers Welfare Administration ngem agingga ita ket saanda nga ikaskaso.
