--Ads--
Inwaragawag ti Department of Justice a manamnama a manayunan pay dagiti kaso a naipila kontra iti napatakyas a mayor ti Bamban a ni Alice Guo.
Segun ken ni DOJ Spokesperson Assistant Secretary Mico Clavano, adu pay a kaso a mainaig iti money laundering ti maipila kontra ken ni Guo.
Iti agdama, sumangsango ni Guo iti reklamo a graft and corruption iti Office of the Ombudsman.
Adda pay dagiti reklamo a qualified human trafficking, tax evasion, ken money laundering a nakaipila kontra iti dati a mayor kasta payen nga adda kasona iti Commission on Elections gapu iti material misrepresentation.
-- ADVERTISEMENT --
Malaksid pay dayta iti sangsangwenna a quo warranto petition manipud iti Office of the Solicitor General gapu iti kwestyonable a citizenship na.
