Masapul nga isubli ti Philippine National Police (PNP) ti kopya ti warrant of arrest nga inruar ti Pasig City Regional Trial Court wenno RTC 167 inaig ti kaso a qualified human trafficking kontra ken ni dismissed Bamban, Tarlac Mayor Alice Guo.
Dayta iti pinasingkedan ni PNP Public Information Officer chief Police Colonel Jean Fajardo ta kalpasan dayta ket mabalinen a maisayangkatiti pannakaiyakar iti kustodiya kontra iti dati a mayor idiay Pasig City Jail female dormitory.
Segun ken ni Fajardo, inton Lunes ket maisayangkat iti pannakaiyakar iti kustodiya ken ni Guo gapu ta awan ti serrek iti korte nu weekend.
Masapul pay a maipasa iti resulta iti x-ray ken dadduma pay a medical assessment ken ni Guo sakbay a maiyakar iti pagbaludan.
Immunan a pinasingkedan ni Bureau of Jail Management and Penology Spokesperson Jail Chief Inspector Jayrex Bustinera a nagkurang iti oras idi kalman isu a saan a natuloy iti pannakayakar ken ni Guo idiay Pasig City Jail ngem siniguradona a nakasaganan iti pagbaludan ti dati a mayor.
