Discrimination kadagiti Indian national, kiddaw ti gobernador a liklikan kagiddan ti panagraira ti Indian variant

VIGAN CITY – Kiniddaw ni Governor Ryan Singson kadagiti umili a saan nga i-discriminate dagiti Indian national nga agtaltalinaed iti probinsia gapu iti araira nga Indian variant iti Pilipinas.

Segun ken ni Gov. Singson, awan iti kainaiganda iti nasao a variant ta saanda a rumrumuar iti probinsia ken saan nga Indian national iti nakakitaanda iti UK variant.

Inlawlawagna nga amangan nu adda iti naggapo iti sabali a pagilian a nakaala iti Indian variant a gappuanan iti panagraira ti sumagmamano a lugar ti pagilian.

Maipalagip a nadetect ditoy pagilian iti UK variant, South African variant, Brazil variant ken Indian variant isu a monmonitoren ti provincial government.