Idurduron iti gobierno ti otomatiko a panag-enroll iti amin a Pantawid Pamilyang Pilipino Program (4Ps) beneficiaries tapno masigurado a makaalada ti diskwento iti kuryente.
Segun ken ni Department of Energy Undersecretary Mylene Capongcol, kasaruno dayta iti bilin ni President Ferdinand Marcos Jr. tapno ad-adu a narigat a pamilia iti matulongan ti electric bill-na.
Agduduma a lifetime discount iti tunggal power company ta adda laeng iti agingga 50%, ngem iti Manila Electric Railroad and Light Company (MERALCO) ket addaan iti 100% discount depende iti konsumo.
Iti gakat, saanen a kasapulan ti papeles dagiti 4Ps members no laketdi addada iti opisyal a listaan iti Department of Social Welfare and Development (DSWD) ket otomatikoda a makastrek iti subsidy.
Siguradoen ti DOE a lepleppasendan ti data-sharing kadua ti DSWD ken Energy Regulatory Commission (ERC) tapno agpapada ken mapadaras iti panangted ti benepisyo.
