VIGAN CITY– Inalerto ti Ilocos Sur Police Provincial Office ti Disaster Incident Management task group da a katulungan ti Provincial Disaster Risk Reduction and Management Council (PDRRMC) kas paset ti panagsagana iti panagduprak ti bagyo rosita ditoy probinsiya ken kadagiti dadduma pay a paset ti central ken northerrn Luzon .
Segun kenni PC/Insp. Winie De Vera, mangidadaulo ti PCR ti ISSPO, nakafull alert status ti kapulisan agingga inton UNDAS isu a kanselado amin a leave dagiti pulis tapno mausar ti intero a pwersa da nga agresponde no adda dagiti saan a napintas a pasamak, malaksid laeng no adda ti nadagsen a rason da kas ti emergency.
Malaksid iti dayta ket nakasaganan ti search and rescue team manipud idi Biernes a tumulong nga agresponde kadagiti agkasapulan ti tulong,
Inpasigurado ti PCR chief nga agtultuloy ti panagited da ti impormasyon babaen iti tulong ti media ken dagiti social networking sites ken no kas pangarigan maputed ti linya ti komunikasyon ket nakasagana dagiti hand-held radio tapno agtultuloy ti update inaig iti sitwasyon ditoy probinsiya iti panagduprak ti bagyo ‘Rosita’.
