P39.8 billion ti inlatang ti Kongreso para iti disaster response ita a tawen, nangatngato iti 90 percent no ikumpara iti P21 billion disaster response idi 2025.
Maibasar iti 2026 General Appropriations Act, kinuna ni House Minority Leader ken 4Ps partylist Rep. Marcelino Libanan nga adda iti salinong ti 2026 Calamity Fund ti P15.3 billion tapno tulongan dagiti lokal a gobierno iti rehabilitation program, ken P12.5 billion para iti pannakatarimaan dagiti nadadael nga imprastraktura.
Kabayatanna, P11 billion met para iti relief ken rehabilitation services ken training dagiti personnel, ken P1 billion para iti adaptation projects iti salinong ti People’s Survival Fund.
Iti maikapat a tawen, umuna ti Pilipinas iti World Risk Index ita a tawen gapu iti kinaadu dagiti natural hazard kas ti bagyo, layus, panagngato ti sea-level, tikag, gingined, tsunami, ken panagputok ti bulkan.
