--Ads--
Rinugianen ti Department of the Interior and Local Government ti panang-trace iti ayan dagiti kakunsabus ni dati a Presidente Rodrigo Duterte para iti sangsangwenna a kaso iti International Criminal Court.
Segun ken ni SILG Jonvic Remulla, ammoda dagiti nagan a nadakamat iti dokumento nga inruar ti ICC ket uray no awan pay ti arrest warrant ket sapsapulendan ti ayan dagiti kakunsabus ti presidente malaksid ti maysa a pimmusayen.
Ti addang ket tapno makasagana dagiti pannakabagi ti linteg kadagiti kasapulanda nga aramiden no kasapulandan ti mangkemmeg kadagitoy a kakunsabus ti dati a presidente.
Al-alaendan dagiti report no ayan dagiti kakunsabus ti dati a presidente ken posible a maited ita a lawas.
-- ADVERTISEMENT --
